ECT

2008-03-27T16:36:00.000-07:00

Nánast engin svefn, einhverjir lítrar af kaffi á dag, alltof mikið sígarettur, djammpáskar, samviskubit yfir öllu sem átti eftir að gerast námslega sem svo gerist á nóttunni undir gífurlegri pressu, erjur og hreytingur = magasár.

Ég sjálf og mínir allra nánustu í sálfræðinni sjúkdómsgreindum mig með magasár eftir magakvalir og ómældan sársauka. Lyfjameðferð var hafin það voru sýrtöflur sem einhver sálfræðingurinn náði í.

Ég sagði Allý frá sjúkdómsferli mínu, greiningum og lyfjameðferð. Hún taldi þetta bólgur ekki sár. Andskotans hrokinn alltaf í þessum læknum við vitum líka helling fyrir utan að ég bað ekkert um SECOND OPINION.

Annars samkvæmt 60 mínútum gera næturvaktir fólk bæði feitt og geðveikt. Ég hef ráðið mig í dagvinnu í sumar og er að fara að sofa. Vildi samt koma því að í restina að Allý er óeiginjarnasta manneskja sem ég þekki engu að síður.

Julehilsen og god nat min lille skat.
Anna María Valdimarsdóttir

Hef ég sagt það svo hátt.....

2008-03-04T07:46:00.000-08:00

Hef ég sagt það svo hátt að allir heyri að ég elska Friðrik Ómar.

Ég vil líka deila því með ykkur að ég er búin að læra nýtt. Nei það er ekki einhver kenning um mannlega hegðun eða geðröskun það er póker!!!!!!!!!!!!!!!!! Reyndar er það Texas Hold'em. Læknirinn var ólm að kenna mér þetta ég veit ekki alveg hvernig henni datt það í hug en það eitt og sér er ekki það fáránlegasta því hún vildi líka kenna Álfheiði Lady. Hvað er betra en að sjá Lady í póker að pikka tvisvar í borðið með litla putta út í loftið. Þetta varð semsagt að veruleika. Allý eftir vakt önug, pirruð, óþolinmóð og skýtur fast og Álfheiður mesta dama sem ég hef séð er nefnilega besta combo í heimi bæði í póker og í morgunkaffi (þó maður hafi verið vakin eldsnemma). Starfsmenn leikskólans eru samt held ég enn að jafna sig eftir það að drengurinn sagði þeim að mamma hefði verið að bera hann sofandi upp um helgina þegar nóttin var byrjuð því hún var að spila jóker nei hann meinti póker. Mamma var fyrst að tapa öllum peningunum (hann var ekkert að taka það fram að þetta voru spilapeningar). Jæja það kannski fer þá fókusinn af því þegar upp kom málið að sonur minn og einhver annar hefðu slett vatni á hvorn annan í útiverunni. Móðirinni var tilkynnt um voðaverkið þegar hún kom að sækja og sagt að báðir segðu að hinn hefði byrjað. Ég skyldi ekki alveg vandamálið og var í rauninni ánægð að loskins kannski væri drengurinn farinn að svara fyrir sig. Hélt samt andliti og sagði með móðurlegri festu "strákar mínir þið megið ekki gera það" þá kemur skræka röddin sem ég kannsast svo vel við og segir fyrir framan allt staffið " já en mamma þú sagðir að ég ætti að gera til baka" Hvað getur maður sagt annað en klæddu þig í skóna þetta er krummafótur. Kannski er liðið að pæla meira í pókernum sem mamman er að spila fram á aðfaranætur sunnudags með krakkann með sér. Það er jákvætt.

Bjartir tímar :)

Mæja sér þig og hún hækkar um 250

Nú verður allt vitlaust.....!!

2008-02-25T02:38:00.000-08:00

Ég er svekkt! Gríðarlega svekkt!
Nú er ég ein af fáum sem þori að viðurkenna að ég hef bara slatta gaman að Eurovision og það er búið að eyðileggja það fyrir mér... ég mun ekki geta horft á keppnina í Serbíu í ár að öllu óbreyttu svo mikið er víst. Nú veit ég að ég er alveg að tefla á tæpasta hérna því ég veit að annar helmingur þessa bloggs er Dalvíkingur og því slatti af Dalvíkingum sem kíkja hér við en ég bara verð að vera hreinskilin.......... Friðrik Ómar þoli ég bara ekki!!!!!!!!!!!! Og ef það er einhver annar sem ætti hugsanlega að komast með tærnar þar sem Friðrik Ómar hefur hælana hvað varðar allt sem ég þoli ekki þá er það Regína Ósk!
Ömurlegt lag! Ömurlegir flytjendur! Þetta verður bara eitt af mörgum lögum sem hljóma nákvæmlega eins þarna úti og verður því hvorki fugl né fiskur.... og við sem höfðum tækifæri á að senda Dr. Spock!!! Hvernig gat þetta farið svona? Dr. Spock var spes, var fyndinn, með gríðargott lag, svakalegt performance og meira segja áttu þeir félagarnir einu fyndnu mömmurnar sem mér finnst nú segja okkur meira en margt annað! Hvernig hefði verið að senda það frekar en þetta lið sem er svo gjörsneytt öllum hæfileikum, frumlegheitum, persónulegum stíl?? Hvergi nema á Íslandi myndi nokkur maður komast upp með að vera "frægur" og selja plötur fyrir það eitt að syngja bakraddir, cover- og jólalög!! Og þá er ég að meina COVER..... því eins og ég segi þá hafa þau ekki einu sinni burði til þess að gera neitt að sínu..... bara mæma upp þekkt lög eftir aðra... ég gæti gert það! Án djóks!
Og þetta komment sem FÓ lét falla þarna á úrslitakvöldinu setti nú alveg punktinn yfir i-ið!!! Mér er alveg sama hvað kann að hafa gerst út í sal... það var hægt að taka á því á málefnalegri hátt seinna meir ef það er tilfellið. En nei... hann var búinn að vinna en þurfti samt að skíta út liðið sem var í öðru sæti (það var ekki hægt að skilja það öðruvísi, alveg sama hvað FÓ reynir að halda fram).... hvers konar framkoma er það eiginlega?? Var ekki nóg að hann gerði sjálfan sig að fífli og var öllum til skammar þegar hann strunsaði eins og unglingur í fýlu upp á svið þegar hann lenti í öðru sæti í fyrra?? Nei... hann náði að toppa sig í eigin ömurlegheitum á sinn einstaka hátt!
Reyndar er ljós í myrkrinu......eilítil vonarglæta.... þar sem heyrst hefur að Rúv sé alvarlega að pæla í að skipta út söngvurum og setja Pál Óskar og Selmu í staðinn fyrir wannabe-in....... djöfull yrði ég glöð með það... það væri mest brilliant sem gæti gerst!
Þá gæti ég hugsanlega poppað og sest fyrir framann imbann í maí og fylgst með okkar framlagi í Serbíu.......... annars ekki!!
Mímí

Sunnudagur til sælu!

2008-02-10T08:46:00.000-08:00

Jæja það er svo komið að ég hef svo svakalega lítið að gera í augnablikinu að jafnvel að skrifa nokkrar línur á þetta fátæklega blogg getur loks orðið að veruleika. Valið stendur á milli þess að taka úr þvottavélinni eða blogga og því varð bloggið eðlilega fyrir valinu. Nú veltið þið sjálfsagt fyrir ykkur hvað ég hafi verið að afreka síðustu vikur fyrst bloggið virðist ekkert komast að. Er þetta spurning um stórafrek á sviði vísinda (aka vísindasviðs), kannski væntanlegur nóbel? Eða er hún að æfa fyrir Ólympíuleikana? Ja það er von að fólk spyrji sig en ég verð nú að hryggja ykkur með því að ekkert stórmerkilegt hefur rekið á fjörur mínar þannig séð.... held að eina haldbæra skýringin sé leti! Plain old leti bara!!
En kraftaverkin geta gerst..... sérstaklega á sunnudögum þegar Liverpool er að spila. Þá er gríðarleg kúnst að finna sér eitthvað að gera.... því ekki sest ég niður og horfi á þetta.. never ever! Í dag er ég sem sagt búin að þrífa örlítið, fara í sturtu, setja Kára í sturtu, setja í vél, vaska upp og baka snúða.... kom þarna smá dauður tími á milli sem ég er einmitt að nota hér á blogginu... og svo er það bara kvöldmaturinn svei mér þá. Hvað kemur næst? Útsaumur? Maður spyr sig!! :-)
Ég veit reyndar að mér er frjálst að fara út af heimilinu og hitta annað fólk á meðan þessi fótbolti gengur yfir en í dag nennti ég því ekki. Var á eilífum þvælingi í vonda veðrinu í gær. Fór fyrst með Kára í karate, fórum svo í búð að kaupa afmælisgjöf, svo heim að borða og pakka inn, skutlaði svo Kára í afmæli, kom við í Engihlíðinni, kom heim, náði svo í Kára í afmælið og aftur heim. Svo náði ég nú tiltölulega rólegu kvöldi en var í staðinn vakin upp kl. 5 í morgun af henni Þórunni systur minni sem var búin að bíða eftir leigubíl á flybus í klukkutíma og þurfti að ná flugi til London frá Keflavík kl. 7:15. Það var ekki um annað að ræða en að skvera sér út og skutla stelpunni, ekki gat hún misst af fluginu, hún sem þarf að kaupa ilmvatn fyrir mig í London!! :-)
Dagurinn í dag hefur svo mest farið í almenn heimilisstörf sem fyrr segir.
Endilega ef einhver þarna úti lumar á góðum tillögum varðandi stöff sem hægt er að gera þegar fótboltinn tekur völdin..... þá látið mig vita. Allar hugmyndir vel þegnar ;-)
Míms

Læknir með áverka

2008-01-31T15:24:00.000-08:00

Ég veit ekki hvað það er en dr. Aðalheiður hefur þau áhrif að ég hlýði mjög oft því sem hún segir. Annars er ég ágæt í því að gera ekkert með það sem fólk segir oft og tíðum. (Nei þetta er ekki stafsetningavilla maður segir oft og tíðum). Stundum kemur það fyrir fólk að það er allt í einu búið að gera eitthvað og það skilur ekki alveg hvernig það gat gerst en það var einmitt þannig að Allý var allt í einu orðinn ræktarfélagi minn. Nú ég hlýði öllu sem hún segir með að gera í ræktinni. Það hafa komið dagar sem ég hef ekki komist í brjóstarhaldara annaðhvort voru það harðsperrur eða strengir. Það hafa líka komið dagar sem ég hef vegið og metið og hent mér niður stigann frekar en að ganga þau skref og svo kom dagur sem ég gat ekki svo mikið sest á klósettið. Í dag voru tímamót þegar hún sagði þetta er það sem við tökum í restina. Ég prófaði og hugsaði mjög hratt á ég að bera fyrir mig hendinni síðan ég endaði út í vegkanti eða hvernig á ég að hafa þetta? Ég sagði þá bara hreint út "Nei Allý, þarna set ég mörkin, þetta geri ég ekki, ég get þetta ekki" Var þá send í eitthvað annað sem ég geri. Hún kemur svo eitthvað og byrjar að kvarta í öxlinni eftir þetta. Ég horfði á hana og brosti og sagði þér var nær. Þegar ég sit svo í tíma í dag fæ ég sms af landspítalanum frá Dr, Allý þar sem hún segir að nú geti ég hlegið að henni eins og ég vilji því hún sé svo illa tognuð á öxlinni og sé bara alveg föst. Ég sendi sms tilbaka og sagði Allý mér dettur ekki í hug að hæðast að þér ef þig vantar ást og umhyggju þá hringirðu. Fékk til bara stutt sms sem í stóð "right". Ég hef ekki heyrt í henni síðan. Hvort ætti ég að sakna hennar í ræktinni í fyrramálið eða njóta frísins?

Nú er ég klæddur og kominn á ról ............

2008-01-30T06:08:00.000-08:00

Ok svakalega er eldra fíflið að standa sig í blogginu, en jæja ég sé þá um þetta bara.
Nú Lady virðist vera orðið mikið issue hér á blogginu og þá best að segja frá því að ég fékk fréttir af þessarri elsku sem er annars hress. Söknuðurinn er sár og ástin er mikil en ég get ekki að því gert að allavega söknuðurinn minnkaði þegar fréttirnar voru þær að hún er mikið að fara úr hárum núna. Ég þarf þá ekki sjálf að fara úr hárum við það að svitna á moppunni eða ryksugunni. Valdimar fer annars ekkert svo mikið úr hárum, sérstaklega ekki eftir að pabbi hans skilaði honum krúnurökuðum næstum því á fyrra ári. Mæli reyndar ekki með því aftur en....
Annars hef ég oft fengið það komment að ég sé svo kaldhæðin skil það nú reyndar ekki en ok. Ég er ekki frá því að til sé hins vegar kaldhæðni í hinum stóra heimi. Ég hef semsagt komist á snoðir um það að eins og við vitum þá er borgað fé til þjóðkirkunnar fyrir hvern einstakling sem er skráður í þjóðkirkjuna. Sé einstaklingar í öðru trúfélagi þá rennur féð þangað. Það hafa fundist trúleysingjar í okkar samfélagi, ótrúlegt en satt. Það rennur því ekki fé fyrir þá einstaklinga til þjóðkirkjunnar heldur fer sú upphæð beint til háskólans, ok gott og gilt þangað til nánar tiltekið guðfræðideildar innan háskólans. Ef þetta er satt, er þetta þá kaldhæðni? Nei ég er bara svona að reyna að átta mig á því hvað kaldhæðni er.

Hæfileikakeppni hunda!!

2008-01-05T17:22:00.000-08:00

Frétt:
Hæfileikakeppni hunda fer nú fram í húsnæði B&L að Grjóthálsi í Reykjavík að sögn aðstandenda keppninnar taka um 70 hundar og eigendur þeirra þátt í fjörlegri keppni þar sem hundarnir sýna ýmsar kúnstir. Keppt er í ýmsum flokkum og velur dómnefnd til dæmis þann hund sem þykir líkastur eiganda sínum.

HVAÐ ER AÐ?????????????

ekki það að það var hjónasvipur með okkur Lady eða ég vona það

Mundi ekki hvernig ég átti að signa mig inn

2008-01-01T10:38:00.000-08:00

Allý sagði að ég væri versti bloggari sem til væri, og hún þekkir þá marga sko.
Nú erum við Valdimar búin að vera á Dallas City yfir hátíð ljóss og friðar. Það er bara allt við það sama þar kaupfélagið er þarna og Felix lögga var jólaveinninn á jólaballinu sem lionsklúbburinn hélt. Ég er búin að liggja með ælupesti og vorkenna mér meira en allt og nú er ég að drepast úr kvefi. Þá er líka allt eins og það á að vera. Anna María III er búin að afreka mikið þessi jól. Afrek 1: Hún er búin að setja saman sjóræningjaskip úr lego sem er fyrir 6+!! (mikið afrek fyrir mig). Afrek 2: Kellingin gat tengt playstation 2 tölvuna sem drengurinn fékk í jólagjöf (hver hefði trúað því). Ég vil samt bara að allir viti það að ég gat tengt og græjað tölvuna en ég vil já og jafnvel vill bara að enginn viti það að ég geti aftur á móti ekki fundið út úr leiknum í tölvuna sem er ætlaður fyrir þriggja ára og eldri. Veit einhver hvernig fjólublái drekinn á að opna hliðið? það virðist sko ekki nóg að spúa eldi

Julehilsen
Mæja af Dalvík

Stress.is

2007-12-04T02:27:00.000-08:00

Sit hér í grámyglunni í Aðalbyggingu á þriðjudagsmorgni eftir þriggja tíma lotu í excel og ætla hreinlega að verðlauna mig með því að rita nokkur orð á þessa síðu til að brjóta upp hversdagsleikann. Helstu fréttir af mér eru þær að ég er flutt! Ég veit, ég veit.... ekki í fyrsta skipti og því miður sennilega ekki í það síðasta heldur. Þannig er mál með vexti að lagnir í Engihlíð eru með slakasta móti og þarf því að skipta um þær, sem þýðir að brjóta verður upp gólf á baði, gangi og inn í eldhúsi, sem aftur þýðir að þar verður ekki líft fyrr en á nýju ári. Síðasta helgi fór í að pakka niður í kassa og færa til stöff í íbúðinni svo að ekkert væri nú í vegi fyrir píparana að eyðileggja íbúðina mína. Get ekki sagt að ég hafi haft gaman af. Þetta gerði náttúrlega ekkert annað en að ýfa upp gömul sár varðandi fyrri flutninga og minna á ógeðið sem ég er komin með fyrir að flytja. En "what to do?" , maður tekur þessu bara eins og hverju öðru hundsbiti og þumbast áfram (eins og pabbi myndi orða það). Við Kári höfum fengið inni á Leifsgötunni og munum dvelja þar allavega þar til þetta er yfirstaðið.....ef ekki lengur....fer sennilega eftir því hvernig við högum okkur :-)
Annars byrjaði ég nú á því að flytja inn á Flyðrugrandann, þar sem Stebbi minn var í New York eins fínn maður (sem hann er auðvitað... ásamt því að vera merkja- og þáttamaður) :-) Ég eyddi sem sagt fyrstu nóttinni í þessu brasi mínu hjá Mæju.... verð að segja að það var mjöööög góð sambúð, þó hún hafi nú ekki varað lengi. Ég reyndar mætti seint og illa, en við bara ræddum málin og unnum okkur út úr þessu. Þetta snýst nefnilega um málamiðlanir og samkomulag eins og fólk í sambúð veit! Við ræddum líka heilmikið fyrir svefninn, enda á maður ALDREI að fara að sofa út frá óræddum málum og passa að byrja hvern dag með hreint borð. Mæja fór reyndar aðeins út af sporinu með kommentinu um buxurnar en náði að átta sig og reddaði sér fyrir horn. Mæju fannst ég svo flagga þessu með Leifsgötuna heldur ónærgætið svona nýflutt frá henni en ég held við jöfnum okkur alveg :-)
Almennt jólastress hefur algjörlega vikið fyrir flutningsstressi, en þar sem það er frá í bili þá geri ég ráð fyrir að hella mér í massívt jólastress þá og þegar enda alltof stutt til jóla miðað við það sem ég á eftir að gera. Þó held ég nú ekki jól sjálfstætt enn sem komið er, enda alltof ung til þess, og þakka bara fyrir því þá þyrfi ég að gera enn meira! Jól og áramót verða að sjálfsögðu haldin fyrir norðan með tilheyrandi húllumhæi. Aðfangadagur á Ak (í massívu stressi samkvæmt hefðinni), afmæli hjá Helgu (veitingar á la Fannagil þar sem bæði magn og gæði fara saman), jólaboð á Þverá (þar mun fara fram formleg sýning á Stefáni - bið ALLA um að mæta!), jólaball á Stórutjörnum (vonandi með þér Rannveig - verð á vaktinni að þú rennir ekki undir tréð) og áramót á Húsavík (í Sólbrekkunni OMG!!! :-D).
En fyrst er þarf að kaupa jólagjafir, skrifa jólakort, gera við bílinn... já og eiga eins og eitt afmæli.... já og kannski halda aðeins áfram í excel! ;-)
Hilsen
Mímí

viðurkenning

2007-11-22T16:30:00.000-08:00

Ég man eftir ótal skiptum sem við Mímí vorum skammaðar. Ég man eftir ótal fussum og sveium og sérstaklega man ég eftir setningunni "Hvað hafa þær nú gert?" Ég man hins vegar aldrei eftir því að mér hafi fundist við gera neitt rangt eða verðskulda svo mikið sem brota brot af þessum pirring. Í dag er komið að því ég viðurkenni að mér finnst við Mímí hafa gert rangt. Það er það að láta ekki ljós okkar skína nóg að þessari síðu hahahah. Þið hélduð að ég væri að fara að segja eitthvað annað............en það var ekki svo, alls ekki.

Mímí nú tökum við okkur á !!! (sko í skrifum á síðunni).
Julehilsen
Mæja á steinsteypugólfi með ekkert eldhús í húsinu (þetta er svona bjóðið mér í mat)

Reykjavík vs. Texas

2007-10-30T17:22:00.000-07:00

Merkilegt nokk hvað maður hefur lítið að segja svona þegar mikið liggur við. Nóg talar maður samt! En þar sem þetta blogg ber nafnið hreytingur er þá bara ekki málið að nota það til þess að fá útrás fyrir allt það sem pirrar mann í hinu daglega lífi? Ekki það að mitt líf sé erfiðara en annarra...... aldeilis ekki..... er nú voða glöð með mitt og mína.... það eru bara alltaf þessir hinir sem geta gert manni lífið leitt á stundum. Fólk er fífl eins og segir í kvæðinu.... ekki mitt fólk samt.... bara hinir :)
Mæja er nú búin að útlista fyrir ykkur þessa blessaða tannlæknaferð sem við Kári fórum í og borguðum kr. 9057 ísl fyrir nánast ekki neitt. Er nú enn að jafna mig eftir það en ákvað þó að gera okkur dagamun núna á laugardaginn síðasta og fara með Kára minn í sund (fjárhagurinn leyfði ekki meira eftir tannlækninn..... sem hefur sennilega skroppið í dagsferð í tívolíið í Köben á laugardaginn með sitt lið!!). Af gömlum vana fórum við í Vesturbæjarlaugina og vorum bara nokkuð brött með okkur þegar við mættum.... gamla enn með sundkortið eftir tanórexíu sumarsins og Kári með hundraðkall í vasanum til að borga spes fyrir sig. En nei! Draumurinn um afslappelsi í pottinum fyrir mig og djöfulgang í buslulauginni fyrir Kára varð að engu þegar konan í afgreiðslunni rétti okkur tvo lykla af mismunandi lit og sagði "hérna er einn fyrir þig og annar fyrir hann.... sex ára strákar verða að fara í karlaklefann"!!!!! Ég bara vissi ekki hvað ég átti að segja.... vissi sem var að minn maður myndi EKKI vilja fara einn í klefa og satt best að segja þá var ég nú bara ekki alveg að sjá hvernig það ætti að fara fram með góðu móti. Hann Kári er 6 ára og, þó ég segi sjálf frá, skýr strákur sem veit alveg sínu viti.... en að geta farið einn í klefa í sundlaug þar sem hann er ekki í skólasundi, tæklað þetta með lykilinn all by himself (finna skápinn, opna með lyklinum, læsa honum aftur, muna eftir að taka hann með sér, finna skápinn aftur o.s.frv.), þvo sér sjálfur og þurrka, rata út, finna mömmu....... finnst mér bara til alltof mikils ætlast!!! Og það var ekki viðlit að gefa okkur sjens með að hann fengi að fara með mér í klefa.... og hvers vegna? Jú! Vegna þess að það er óþægilegt fyrir konurnar í kvennaklefanum að hafa svona stóran strák inni á sér!!!! Barnið er 6 ára!!!!!!! Erum við í Texas eða??? Ég átti ekki til orð! Reyndi þó af einhverri krónískri samviskusemi og samfélagslegum undirlægjuhætti mínum að tala um fyrir stráknum og fá hann til að fara með bláókunnugum baðverði í karlaklefann en allt kom fyrir ekki, minn neitaði staðfastlega, hann færi ekki nema með mömmu sinni punktur!! Ég bauðst reyndar til að fara í karlaklefann en við litlar undirtektir afgreiðsludömunnar og hvað þá að henni fyndist það fyndið. Svo hugsaði ég bara, hvað er ég að pæla.... þetta er fáránlegt. Og þrykkti lyklunum í skilakassann og sagði: "Þetta gengur greinilega ekki neitt.... enda get ég ekki útskýrt eitthvað fyrir barninu sem mér finnst fáránlegt sjálfri"!! Og strunsaði út með Kára í eftirdragi sótsvartan yfir því að komast ekki í sund.
Það sem sagt fauk í mig á almannafæri tvisvar í síðustu viku sem er persónulegt met fyrir mig sem nánast aldrei hækka róminn við ókunnuga alveg sama hvaða órétti ég er beitt að mér finnst (er svona meira í því að skammast út í það eftir á við mitt fólk sem ber náttúrlega enga ábyrgð á einu né neinu). Kannski að maður fari bara að skrifa í blöðin!! ;) Nei ætli ég láti ekki hreytinginn duga í bili :)
Og já fyrst ég er byrjuð.... þá leiðist mér þegar fólk apar upp eftir mér það sem ég segi til þess að sýna mér hvað ég er harðmælt. Ég veit að ég er að norðan..... það veit það enginn betur en ég sjálf og þarf því ekki að benda mér á það!!
Ég þakka fyrir mig.
Yfir og út!
Mímí

1.700

2007-10-25T08:47:00.000-07:00

Mæja skrifar: (lofaði prímu að þetta yrði sett annars veit hún aldrei hver er að skrifa hvað og HÚN VILL VITA ÞAÐ FRÁ BYRJUN) Maður gerir allt til að gera konunni til geðs það er bara regla.

Sá samt að Mímí er komin með 18 komment og mér finnst það of mikið!! Að hluta til tel ég að það sé vegna þess að það er bloggað of sjaldan og mikill tími gefst til kommenta. Þá er aðeins eitt ráð það er að blogga oftar. Ég þóttist ekki hafa tíma og fannst einhvern veginn að hún ætti að hafa meiri tíma þannig að ég ríf gemsann af borðinu (hafði tíma til þess) enda virðist ég alltaf hafa tíma til að hanga í síma, hey rímar :) Ég ætlaði semsagt að fara að lesa yfir henni að fara að blogga aftur hvað væri eiginlega að henni. Þá svara mín bara frekar önug og segir: Mæja ég er pirruð! nú nú ég snarbreytti um stíl og segi með "blíðri" röddu hvaða hvaða, hvað er að. Ég sýni empathy eins og sálfræðingar eiga víst að gera. Þá hafði hún verið að koma frá tannlækni með drenginn og ekkert þurfti að gera nema opna munninn og segja henni að hún hefði hirt munninn á krakkanum greinilega vel, það var ekkert að semsagt og 9000 krónur kostaði það. Þarna hætti ég að sýna empathy og segi bara 9000!! fyrir að láta krakkann opna munninn!!! Nei sko það var ekki alveg þannig hann fékk líka flúor, nú nú en vildi ekki fá flúor í fyrstu þannig að hún þurfti að borga 1700 krónur fyrir atferlismeðferð!
Ok förum aðeins yfir þetta, hversu mikla þjálfun ætli tannlæknar hafi í að beita atferlismeðferð, það veit ég svosem ekki en það voru víst ekki margar mínútur sem fóru í þessa "meðferð" smá tiltal er það atferlismeðferð? Það eru margir sem þurfa að eiga við börn í sínu daglega starfi og ætti það kannski bara að vera partur af starfinu? Ég veit það ekki.
Þetta getur orðið flókið ef ég færi nú að ná í Valdimar í leikskólann og hann vill fara heim með stílabókina sína, nei segir leikskólakennarinn þú átt að skilja hana eftir það veistu, jú láttu ekki svona komdu með bókina = 1.700
Eftir það fer ég og tek bensín, ég er að borga bensínið á meðan gengur barnið laust í búðinni og ætlar að taka olíubrúsa úr hillu, bensíngjafinn segir nei þetta máttu ekki snerta skilaður brúsanum = 1.700 Þá er að fara í klippingu með barnið, hann sest í stólinn og vill ekki láta klippa sig, hárgreiðslukonan lánar honum andrésblað til að lesa og talar hann til að láta klippa sig og það gengur eftir = 1.700. Óvart klippir konan kannski í eyrað á honum og ég þarf að fara með krakkann til læknis (segjum bara að þetta hafi verið rosalegur skurður). Krakkinn þorir ekki að láta lækninn kíkja á eyrað þegar þangað er komið þannig að læknirinn segir þetta verður allt í lagi og eitthvað í þá áttina þangað til hún má kíkja = 1.700
Þarna svona kannski bara 8 leytið eftir fullan leikskóladag er ég aukalega í 6.800 í mínus vegna þess að fólk hefur verið í starfi sínu og eitthvað þurft að eiga við krakkann.
Ég er líka fullorðin og með tannlæknaphobiu á háu stigi. tannlæknirinn minn var að græja einhverja tönn sem aldrei hefur verið í lagi síðan ég velti bensinum hans pabba gráa fína og mölbraut í mér tönnina. Ég ligg pinnstíf og tannlæknirinn minn klappar mér alltaf reglulega á kinnina og segir svona anna mín þetta er allt í lagi. Ég hef aldrei þurft að borga fyrir það!
Það er samt kannski rétt að nefna það að þegar ég keyrði bílinn hans pabba útaf 18 ára gömul sem var þessi fíni fíni bens á sölu. Þegar ég komst af sjúkrahúsinu náðí ég því útúr pabba eftir að hafa eyðilagt bílinn hans að fá sölulaun. Ég reiknaði þetta gaumgæfilega útfrá tryggingum sölulaunum og öðru rétti honum töluna og sagði þetta eiginlega skuldar þú mér.
Það eru ekki allir sem fá pening fyrir að eyðileggja bensinn hans pabba.

Þetta er orðið of langt og ég sem hafði engan tíma var það

Kom að því!

2007-10-16T17:01:00.000-07:00

Veit að nú bregður mörgum í brún. Anna María Þórhalls að blogga!! Það er eins ólíklegt og ofbeldislaus helgi á Suðurnesjunum! En svona er þetta... tímarnir breytast og mennirnir með. Vona að þetta uppátæki okkar frænkna muni ekki leiða eitthvert vesen af sér.... því mig minnir einhvern veginn að mjög mörg uppátæki okkar í gegnum tíðina hafi fallið í misgóðan jarðveg, kindabaðið vakti til dæmis enga lukku sko. En við látum bara vaða á það. Allavega virðist Mæja ekki hafa móðgað neinn sérstaklega í sínum færslum þannig að ég verð bara að vona það besta með mig.... þó ég sé víst ekkert sérstaklega góð í mannasiðum að mér skilst.
Veit ekki með ykkur en við Mæja áttum brilliant djamm um helgina! Veit heldur ekki hvað hinir segja um það sem með okkur voru, enda skiptir það engu. Ekki það að ég ætli að fara nákvæmlega ofan í saumana á kvöldinu þá verð ég að koma með nokkur lýsandi atriði fyrir ykkur sem ekkert fóruð.
Here it goes:
- scatterplot
- bjór
- gerviaugnhár
- rónar
- maðurinn á barnum
- Leifur
- doktorsneminn
- Nasa
- Húsvíkingur í hurðinni
- rörsígóið
- Palli
- Hlölli
- ...og svo helvítis leigubílaröðin!

Alveg brilliant! Ekki laust við að vottaði fyrir örlítilli þynnku á sunnudaginn, en það er nú best að spyrja Öbbu út í það ef fólk vill nánari útlistingar.
Altént þá vorum við nöfnur "on fire" og eigum pottþétt eftir að endurtaka leikinn fyrst við erum nú búnar að sameinast í borginni. Tekið verður við pöntunum um að koma með í gegnum þessa síðu ... en tel víst að færri komist að en vilja.

Ætla að segja þetta gott í bili.
Hleypið hlýjunni inn í lífið ;-)
Hasta luego!
Mímí

Risaeðlur

2007-10-11T08:06:00.000-07:00

Sko, ég var búin að ákveða að blogga ekki aftur fyrr en að einhver væri búin að segja það hreint út að ég væri meira nice. Það þurfti frú frið til það hefur samt ekkert að gera með að ég sagði henni að segja þetta nei nei alls ekki. Gömlu vinirnir eru góðir og fjársjóður og allt það sem öll þessi gullkorn segja EN þetta er samt ástæðan fyrir því að maður þarf greinilega að vera vakandi á lífsleiðinnig og finna nýja snillinga og bæta þeim í hóp vina sinna hehehe. Talandi um lífsleið og allt það. Ég kom heim um daginn aðeins of þreytt, aðeins of mikið að gera, aðeins of pirruð og allt það. Var að reyna að elda einhvern kvöldmat svo ég gæti svæft drenginn og mögulega komið einum tólfta af því sem ég ætti að vera búin að gera í skólanum í verk. Ég er farin að pirra mig á því að vera ein og allskonar hugsanir komnar í gang hjá manni. Nú hvað gerir maður þá maður reynir að rétta sig af og vera jákvæður þess á milli sem maður sér hrukkurnar speglast í pottunum í eldhúsinu. Hvaða hvaða hugsa ég maður er nú ekki kominn með annan fótinn í gröfina og margt getur átt eftir að gerast, þetta er alls ekki búið og maður er bara að venjast breyttum aðstæðum og svona er ég að reyna að jákvæða mig upp ein með sjálfri mér í eldhúsinu með pottana og hrukkurnar. Kemur ekki vísindamaðurinn hann Valdimar Daði útúr herberginu og spyr enn eina spurninguna "Mamma þegar þú varst lítil sástu þá mikið af risaeðlum?" ha!! segir gamla í pirringstón enda eitthvað að brenna hjá henni. Valdimar minn þú veist vel að risaeðlur eru útdauðar. "já mamma það þýðir að þær voru þá til í gamla daga, sást þú einhverntíma risaeðlu?"

Taktu til í herberginu þínu krakki!!!!!!!!!!!!!!!

Grjónagrauturinn brann við pottinn og valdimar þótti hann ekki góður, hann fékk mun betri svona graut á leikskólanum gamla. Góðu fréttirnar eru þær að ég náði ekki að þrífa almennilega úr botnum á pottinu sem þýðir engar endurspeglaðar hrukkur þar!!!!!!!!!!!!!!

p.s Mímí mun fá admin

Fyrsta færslan hjá mér

2007-10-05T14:15:00.000-07:00

Allý skrifaði sjálf kommentið um frábæra bloggið sem hún er búin að vera að gera hérna hjá mér, reyndar eftir að hún eldaði. Þetta er allt í lagi það er gaman að spjalla við Dodda. Ég lofaði samt að blogga og það er gíííífurleg pressa að standa sig eitthvað þannig að nú byrja ég:

Dagur 1:
Ég vaknaði, fór í sund borðaði morgunmat. Um hádegi fékk ég pínku hausverk..................

Mamma ég elska þig
koss og knús
Mæja

heheh Nei ég skal bara segja sögu af Allý og by the way margur heldur mig sig .......hreytingur.is hvað er það???? en ok
Við vorum að spjalla saman, allý að elda í eldhúsinu hjá mér. Þið eruð ekki alveg að fatta hvað það gerir mig merkilega því læknirinn og læknafrúin sem var í húsmæðrahringnum heima hjá mér að elda og svona er með hana Lydiu á launum heima hjá sér sem sér um alla húsmæðrahringi og sveiflur.
En það var verið að tala um ECT meðferð sem er rafmagnsmeðferð við ýmsum ja geðrænum andlegum kvillum ég veit ekki hvað læknirinn vill kalla það. Svona meðferð hafði ég séð, þá lítur læknirinn á mig og segir ja anna maría og þú hefur bara verið þarna, ójá það hafði ég verið. Þannig að þú getur bara sagt að þú hafir einu sinni komið mjög nálægt því að lækna manneskju af þunglyndi.
Það er enginn hroki í þessum læknum, er það nokkuð?
Aftur að margur heldur mig sig þarna. Nú þegar hún sýnir mér þessa nýju síðu þá er linkur á Habbý og ég fer nátturlega að skoða aðeins síðuna hjá henni og allý hangandi á öxlinni á mér. Þá verður mér reyndar á að segja: Er hún orðin amerískari en allt þegar ég sé hjartakökuna sem einnig stendur á til undirstrikunar we love you. Þá horfir allý á mig með sínum einlægu stóru brúnu augum og segir "Hún er bara svo nice, við skiljum þetta ekki Anna María því við erum ekki svona nice"

Er ég samt ekki meira nice en Allý?

Fyrstu færsluna

2007-10-05T12:44:00.000-07:00

á Hreytingur.is fær Dr. Aðalheiður heiðurinn af að rita. Eins og flestir vita er Anna María vel yfir meðallagi fyndin og því hefur hún hafið að blogga eftir miklar fortölur.
Njótið vel!!!